گوزلرینده ن جان سوزه ن  یاریم هانی؟

عشوه سینده ن  اودتوتان داریم هانی؟

غمزه سینده ن چیرپینان دیل سیز اورک

قول ـ قانادسیز قوشدا شونقاریم هانی؟

سئوگی میزده ن قاینایان جوت چشمه سی!

کوک اولونموش دوشده اینجاریم هانی؟

باخچاسیندان گول چیچک ده رمز الیم

یانقی دیلده ن سویله ین تاریم هانی؟

ساچلاریندا گزمه ین آووجوم مه لر!

دیل توکر کن یالواری باریم هانی؟

گوز یاشیملا بسله نن یار قونچاسی

قان پاییمدان اوزلویونقاریم هانی؟

گئت دئدیم، اولسون چاتارسان مطلبه

گئتمه میش آندیردی، روزگاریم هانی؟

بیرده من آغ جوت بولوددان سویله مه م

ان قارا کوینک اوپوش قاریم هانی؟

دویغوموزدان باش چیخارتماز کول یاغیش

خوش یوخومدا بللی اوخشاریم هانی؟

جان هایینداجان باغیشلارجان گیله م!

باشداکی گوزلرله ایلقاریم هانی؟

ایلقاریندان کئچمه ین ناز سئوگیلیم

ایتدی گوزده ن لال دئیه ن کاریم هانی؟

هئی دئدیم آند ایچمه کوز سئودامیزا

لئیلی سیز مجنوندا کور، شاریم هانی؟

شاربوراخماز متحیر آهلاریم!

سینه ده ن کوچمز وفا، یاریم هانی؟