گئتمیشدی یاریم کفر ایله ایمان ایله گلدی

کار سالمادی عشقیم یولا قورآنیله گلدی

به به! نه گوزلدیر  بو  مناجاتی   خیر آللا ه

خیرین کانی تای تای منه احسانیله گلدی

شرَر اولدو جهنم یولا شیطان ایله گئتدی

چیخدیم بره  باخ توبه ده زعفرانیله گلدی

مصرین بازاری یوسیفه قیمت قویا بیلمز

دینمزدی زلیخا دیله کنعانیله گلدی

لازیمدی بلا دوستلارا خاطیر یارادیب حق

باطیلده بو بازاریمه خسرانیله گلدی

یعقوبه  باخین گوزلری اووجوندا دا آغلیر

ماتم ایله دولوب دامنی احزانیله گلدی

موسایه  خبر   وئردیلر   عیسی ده   دوغولدو

خاتمده  مبارک  دئدی  میزانیله  گلدی

مولا قیزی بیر سطریده ایوبه وئریب درس

زینبدی معلم بیزه دیوانیله گلدی

آخیر سوزون اولده دئییب آل یزیده   

یابن الطلقا سسلدی طوفانیله گلدی

آ ز قالدی بو طوفاندا جهان غرق  اولا  وآللا ه

مولا قیزی سوزه سولطانیله گلدی

ابراهیمی آغلاتدی  صفا مروه سی جانا

زمزم تک آخیب گوزلری عطشانیله گلدی

مات قویدو فنا اهلینی شامین زهر ائتدی

یئتمیش ایکی قورباندی جانانیله گلدی

قرآن اوخویان باشلارا خاطیر بیزه یول وئر

یارب متحیر دینه افغانیله گلدی