اولدوزون آخدی گونوم آی گئجه مه

ایله نیب گورنه سوزور چای گئجه مه

چوخ فیکیرله شمه منه بوتون سنم!

نه بتر  اوخشاییسان پای گئجه مه

بونه سنلیقدی نه منلیقدی گولوم

هئی سالیب چیخما آخین ، وای گنجه مه

اوره ییم پاتلادینی کیم دئدیدیر؟

او منم! سنده کی یوک، تای گئجه مه

چوخ آغیر یوکدو بویوک چکن بیله ر

ته رتوکور پیش پیشی لایلای گئجه مه

دیزلرین یورولسا قوی یئرده یاتیم

دولدوروب سئوگینی تای تای  گئجه مه

یازانین اللری وار! نه خوش  یازیب

توی توتوب آرزیسی نای نای گئجه مه

آیاغین گوره نمه سن یئرده نازیم

آختاریب گویده تاپیب تای گئجه مه

یئددی ـ آیلیق دوغولان مجنون اولار

دوزومون لئیلی دی گل ـ های گئجه مه

هایین آتماز باشینا شیرین اولان

له له ییر! جوت شامامان زای گئجه مه

بیر به بیر سویدو اوره کدن  قابیغین!

خوش تو خوش فرهادینی لای گئجه مه

قاز ها قاز دا قلم اولموش کولویوم

یازابیلمز آهی ، بای بای گئجه مه

ایندی کی من متحیرده سنه

سنده « اوچ نوقطه» منیم آی گئجه مه