یوخ صنم آنلامادیم

 

 

اؤلوم اولسون بو یالان دونیانی اویناش توتانا

مولامیزدان بوشانان دونیانی اویناش توتانا

یوخ صنم آنلامادیم آلمامیش آنجاق بوشادی

 توربا لازیمدی سامان دونیانی اویناش توتانا

ائله بیر دولدو کی آی پارچالارین سوخدو یئره

قارنی آج سویله پالان دونیانی اویناش توتانا

گونو قالیندی قولاقدان یئکه باخ بوینونا سن

  گیزلی سوز ئورمه تالان دونیانی اویناش توتانا 

یام ـ یاشیلدیر بزه یی قیراق گزه نلر  مالیدیر

سنده یاس توتما قابان دونیانی اویناش توتانا

اینجه بئللرده اومار باخسا بو نازیک بئلینه

بوغازین ییرتما بوغان دونیانی اویناش توتانا

باشاباش اوددو بو معنانی جانیم بیلمه لیسن

اوره یین  یورما  یوران  دونیانی  اویناش توتانا

گئجه- گوندوز باشینی قاتما بو آرتیق اسکییه

بیرده اوز وئرمه ساتان دونیانی اویناش توتانا

دیرناغی یوخدور ازلدن قوتورون چکمه اوزه

   کیشی آد قویما دالان دونیانی اویناش توتانا  

بیر اوتاقدان نه چیخار دهلیزیمیزده شئح چکیب

قاراداش سویله قازان دونیانی اویناش توتانا

سو آریتماز بو گوناهدان دولو دام ـ داشینی قان

سوواغین یاخما قوپان دونیانی اویناش توتانا

متحیّرده بو دولدان کئچه لی چیخدی بره

سوبای آدقویما یالان دونیانی اویناش توتانا

 
/ 19 نظر / 18 بازدید
نمایش نظرات قبلی
بویاقچی

بیرداها سلام متحیربئی چوخ گوزلدی اللر وار یئنی دن گوزل شعرلر گوزلورم

وفا

دیلیمی سوزده آچوب قورخومو باشدان چیخادوب

دل آسا

سالام عزیز حورمتی لی دوستوما. سایین حمید بی بو کی تورک دیلینده یازیب-پوزوسان ساغ اول. آمما شعرینیزه گوره گرک خاطیرلادم کی شعرینیز نظرگلیر کی اونجه ده ن قافیه لری دوزه لیب سونرا شعری حاضیرلادیقیز قافیه لره سویله میسیز و هابئله شعریزین معنا باخیمیندان دا اوخوجویا موشگولی واردی و چوخ یئرده فیکیرینده اولان معنا بیزه چاتمیر . ساغ اول یئنه ده ساغ اول

نبضگیر

[دست][دست][دست] [گل][گل][گل][گل][گل]

samira

باشاباش اوددو بو معنانی جانیم بیلمه لیسن اوره یین یورما یوران دونیانی اویناش توتانا گئجه- گوندوز باشینی قاتما بو آرتیق اسکییه بیرده اوز وئرمه ساتان دونیانی اویناش توتانا بوراسینی چوخ بگندیم اللرینه ساقلوق[گل]

آران

مرحبا سایین بی. یوللادیغیم شعری کی دمیشدیز ناسیلیدی؟ بیر جواب ورمه دیز؟

آران

بو غزلینیز ده همیشه کی کیمین گوزل و دادلی . روحا غذا وره ن دی دیه سن . ساق قالیب تانری پناهیندا شاد یاشاماقینیز اورکده کی ایسته دیکلریم ده ن دیر. گوله گوله

ملیحه خییر دان اولدوزو

سالام حؤرمتلی قلمداش. منیم شعر باخجاما خوش گلیبسینیز. شعرلرینیزی سئوه سئوه اوخودوم .سیزینله تانیش اولماغیما سئویندیم. یاشایین

سولان

سالاملار حرمتلی قلمداشیم گلیشینیزدن دوغوردانمی فرحلاندیم ایلهامیز آزلماسین یاشاسان

سانتین

سلام مثل همشه زیبا و پر محتوا بود ممنون