آرازیم

آرازیم 

باش تاجیم،آل یاناغیم،تئل داراغیم،داغلی آرازیم

ائلینه باغلی آرازیم

منله اوز خیردا بالان تک نه ووقارلا باریشیب سان

سیرر آچان کورله اوتایدا قاریشیب سان

قوجالارکن یاریشیب سان

دیلدن ایلقار آلالی دردی قلم قا شا دئیه رسن

هله قان  گؤزله سورون،بیرگون آل-الوندا  گئیه رسن !

دالغادان توتما یئیه رسن

********

گؤزلرینده حورولار گؤزلری تک خوش گئجه لرده

نه قارا سورمه لرین وار!

او آغیر سئللری،ائل گورمه ده توفانلی سفرده

اوره ییی اوزمه  لرین وار

 قوی گؤزون یانسادا یانسین

 آی اولوب باتسادا باتسین

 گله جک کورپه لرین وار

قوی وطن داشلارین اولسون دره لرده،هامی قانسین

یئمه لی بلله لرین وار!

 ایشلرینده هله لر وار دئیه مین آیه لرین وار

سود امرلرله یازین چاغی بویوک دایه  لرین وار

بالالار آنلایاراق،الده نه چوخ خامه لرین وار

 گون کیمی سایه لرین وار

********

سوز اوره کدن دریلنده،نه عاشیق لار کیمی سازین

یار چیمنده اوسولاردا،نه گوزل عشوه لی نازین

اوجالار سوزلو نیازین

ایزله نر یار یولو تک ناله لرین داغدا-دوماندا

یاد،او یئرلرده گولنده،نه قان آغلار دلی قازین

اوره یین پارچالانیب کوزده دنیزلرله  یاناندا

قاش-قاباقدان آچیلار ان قارا یازین

هریادا،سویلمه رازین  !

هله مین لر دولووار،قار-یاغیشین وار د وشه جکلر

دیل،آغیزدا قورو یارکن ده سویو شله اوله جکلر

ایشلرین یاش بیله جکلر...!


*********

یازدا بولبول نفسی له،گویه اوچدوقجا  اوزانلار

داردا شاققیلدایاراق گوجلو  وطن داشلارین اولسون

یاز،او چوللرده یا شیل دفترین آچدیقجا  یازانلار

هر نه دن چوخجا اینام داشلارین اولسون

باش آلیب مندن،او تای سیزکی سن اوندان تاج آلارسان

او نا بیرجان دئیه لی،مین کره آرتیب اوجالارسان

اوجالاردان باج آلارسان

اوغلون اولدوقجا ووقارلا  گونو گوندن  آد آلارسان

او آییلدیقجا شیرین باللی دیلیندن داد آلارسان

یار اولارکن،یاد آلارسان !؟

********

اودا،دردین، کدرین باش تاجیدیر،ائللر  آرازی

اوداسن تک قابار اللرله چالار گورنئجه سازی!

او دا،دیلدن دیله تاپماقدادی رازی

گول آچاندا دوداغیمدا،قاپاسان رازی-نیازی

آسا جئیران دا قوتازی

او ینایاندا گوره سن ساتدی گولو،عشوه نی نازی

یا شاسین سئوزلو آرازی...

 

اونه  اصلی کی کرم با غرینا تای قان اونوگوردوم

لیلی تک من باهادیر عشقیمه سولطان اونوگوردوم

مجنونو ن دردینه درمان اونوگوردوم

او نه  جئیران کی مارال گوزلرینه گوز ساتاشاندا

او قارا  هورمه لری هایلی بوغازلا قووشاندا

یئنی لنمکده دی آی-گون نئچه مین گوز قاماشاندا

اوماجاقسان دادیشاندا

نه بوغوم  وارسا،اولوم وارسا،بیتیب هر آتیشاندا

اوداجاقسان یاریشاندا

گوله جکلر،سئوه جکلر،باجی-قارداش باریشاندا

 گول،چیچکله،سولاشاندا

******** 

گورنه  گوللر سریلیب من اوپه لی آل یاناغیندا

باختنین شامی آییلمیش جانی قوربان آیاغیندا

کونلونه سانجیلان  آغری،شکر اولموش  دوداغیندا

باخیشی جاندی،قیلینج  دیرمنه  یادلار  قاباغیندا

یئری وار ائل قوجاغیندا

********

اودا سن تک کو سولنده منی گورجک باریشاندیر

اودا نازین چکن ائللرله،اوره کدن  قاریشاندیر

سوسوزا،یانقینا دوغرو سینه سوکموش آلیشاندیر

اوره یین آغریسینی آلماق اوچون هئی سوروشاندیر

دئمز آمما بیلیریک گئیدییی کوینه ک یاراشاندیر 

داریخاند،قارا کولگه یله ایچیمده ووروشاندیر

 دورنالارلا قوروشاندیر

قاریشاندیر

******** 

قار،قیشین سئوگیسی دیر،چون باش آغاردیب قوجاغیندا

اوزانیب یول تک عومورلردی قاچیرلار قیراغیندا

تار تئلیندن دوزه لیب،ساز چالینیب دیر  دوداغیندا

او  بیر اولدوزکی گونش لر باش ایرلر قاباغیندا

اودو سونمز اوجاغیندا

عشقی بیر کولگه لی بوستان کی،قورار قار لی داغیندا

دلی جئیران سورا غیندا

کوسولن لر یاری گوزلر اونون افسونلی باغیندا

بسله یر گول بودا غیندا

خالقیمین دردی نه اوزلر،نه یاناقلارکی قیزارتماز

آی نه قاشلارکی قلم،همده کمان اوزدن اوخ آتماز

اولو تانری نه گوزللرکی یاراتماز

گول،گول اولسا،اونو گونلرده سارالتماز

******** 

دالغالار سنده گونش دندی،قیرودان نه دومانلار

نه آلوو لار کیمی سوزلردی،گولوش دن نه آ مانلار

سولاریندا نه بوغازلار،دود اغیندان نه اومانلار

یازارین یازدی نه چوخ  دردلی رومانلار

جیک قویان دویغو پوزانلار

ها زامانلار!؟

********  

باغلی کیپریک لرین آردیندا نه یالقیز کیمی یا شلار

آیا بنزه ر او گوزل اوزده،آلینمیش قارا قاشلار

نه دئییم توپر اغینا،سانکی قیزیلدان دی بو داشلار

 اوره یین دردی گونوز قویسادا یالنیز ،گئجه باشلار

قارادوستاق،آجی داشلار

یاوان آشلار !

******** 

خان چوبان باغری آچیلمیشسادا اولموش سارا گولمز

قالانارکن سئل اولار گوز یاشین آمما بیری سیلمز

سن قوشان تویلاری کیمسه  قوشابیلمز

********  

بوغولوب  یورغون  اومود،تینده گوور میش نه عومورلر

نه چیچک لر کیمی قیزلار سارا لیب  ائوده  اولورلر

گله جک یاری گودورلر!

سارانین گوزلری اولدوز کیمی دالغاندا پاریلدار

سویا جو مدوقجا ساچی،خان چوپانین کونلو زاریلدار

ظولمونن خوش تیکیله ن بایقوش ائوی کتده خاریدار

آغزی گویچک ده گلین قارغا کیمی دامدا قاریلدار

آدی باتمیش کوره کن لرده هیریلدار...! 

********   

اوفکه لرواردی دویو شدن،گئجه لرواردی  گونوزدن

"سن گر گ "،سس لری تک،قورخولاری ان قادین اوزدن

یئل آپارمیش آجی سوزدن

******** 

تا نری نین دوستلاری تک،دوستلاری سولماز گوله تایدیر

آسیلیب داردا اولرکن ده یوران نیسگیله تایدیر 

سوچ اونونده سو آریتماز گیله تایدیر!

 گوروشن واخت بیر اولان خوش دیله تایدیر

نه دامار لارکی  دمیر یوللارا  اوخشاردی دئیه رسن

نه  قابارلارکی اوره ک قازمادا  اوخلاردی دئیه رسن

بئزدیرن یاد کونولون یاردی دئیه رسن

آسیلان داردی دئیه رسن!

******** 

یالانین یوللاری آزقین ،یوکو باسقین دی تالاندی

سازی سینمیش ،سسینین ذیل-بمی بیردیر نه چالاندی

تولکو نون دردی درین اولسادا گوزیاشی یالاندی

اولر ایری دوز قالاندی

******** 

سن ده قئیرت داماری دونماغا ایمکانی محال دیر

ایگید اوغلان-قیزین آنلار نه حرام دیر،نه حلال دیر

سوزوم حال دیر، نه کی قال دیر

گوز و توخلار کیمی پای بولمده هر گون نئجه جو شغون

بولود آلتیندا قالان گون کیمی هردن ائله  یورغون

نه اوچون من بئله دورغون!

کیمه وورغون؟

******** 

ایگیدین دردی آشیب–داشسا  قیسیلماز چتین  آغلار

توردا  قالمیش مارالین گوزلری تک اووچونو داغلار

نه سو سوزلارکی نه چوللر بزه ییب  همده کی باغلار

سیللی دن اوزده چیراغلار

******** 

آری لار قیرمیزی کوینکلی چیچک لردن امیر لر

تانری بیلمز کیمی لر ،وارلییا دوغرو باش اییرلر ؟

وارلی لاردا،ار یییرلر!

اوتایا قاپ-قارا بیرنامه ی اعمال آپاریرلار

سانکی افعی لره شئح زئرزمیده بال آپاریرلار

قاراگئیمیش بووه یه نامه ده احوال  آپاریرلار

نئجه بی قال آپاریرلار!

******** 

تبریزین سئوگیسی قورآن،سوزو مولادیر ازلدن

آیه دی هر نه باخیرسان،دولوب حافیظ له غزلدن

قورخوسو یوخدو خزلدن! 

دئمز علامه لریم وار،گونشه ماندی دانیشماق

سوزو ایشدیر،ایشی سوزدور بو ائلین قئیرتی قورساق

ایرانا باش وئریبن جان قویاراق باشدی بو توپراق...

دونیا وارکن اسه جک آللاه آدیلا اولو بایراق

دوشونن خالقی دا قیوراق!

دلی کونلوم گئجه-گوندوز گوچه لرده سورونرکن

تاپارام شهریاری سنده تماشایه گلرسن

نه سئچرسن !

گورو شرکن غمه بیزسون قویاریق سنده گولرسن

او پوشنده وئرریک ال-اله دستانی گوره رسن

بوندان آرتیق نه دئییم گوزلری دریادی دئیه رسن

جوشاراق سن ده بیلرسن

"شهریارلا" بیر اولاندا ، هامی گوزلر  اوتانیرلار

او اوتانجیلا یاناقلار قیزاریب اوددا یانیرلار

"دده قورقود" سسین حیدر بابا داغیندا تانیرلار

اوجالارکن اویا نیرلار

********    

محشر ایستربوکونول،قوی آخا وولقانلی آرازیم

اوزو کسکین قیلینج آمما سازی آل-قانلی آرازیم

بویازیق داردا قالان جان،جانا گلمیش چیغیراندا

قوجا شئیطا ن منی آلدادماق  اوچون هئی باغیراندا

منی حیدر بابا تک نازیله "اوغلوم "چاغیراندا

شهریاردان خبرآلدیم،دئدی: "طوفاندی "نه قاندیم ؟

آراز اولدو  قجا بولاندیم ، دورولان چاغدا اویاندیم

بوردا قالسین سوز اوتاندیم

********  

"چاشقینین دا"سودو داشدی،سنی سئومکده باش اولدو

گوزل اوزلرده قاش اولدو

باکی داغلاری دا باش وئردی سنه هرگون  اوجالدی

دویوشون چکمه لری سانکی باریشداندا  باج آلدی

سون بئشیک لرده قوجالدی

باریشین نغمه سی قووزاندی دئیه ن توپلار آسیلدی

قورشونون آغزی با سیلدی

وطنین توپراغی گوللندی دئیه ن یوللار آچیلدی

یئر-گویه لاله ساچیلدی

********  

/ 32 نظر / 22 بازدید
نمایش نظرات قبلی
دریا

صاحب الزمان به خدادرهوس دیدن شش گوشه دلم تاب نداردنگهم خواب نداردقلمم گوشه ی دفترغزل ناب نداردشب من مهتاب نداردهمه گویند به اشاره مگراین عاشق دلسوخته ارباب ندارد؟توکجایی شده ام بازهوایی خیلی زیبابودممنونم

دریا

صاحب الزمان به خدادرهوس دیدن شش گوشه دلم تاب نداردنگهم خواب نداردقلمم گوشه ی دفترغزل ناب نداردشب من مهتاب نداردهمه گویند به اشاره مگراین عاشق دلسوخته ارباب ندارد؟توکجایی شده ام بازهوایی خیلی زیبابودممنونم

دریا

سلام خیلی زیبابودن ممنونم[رویا]

دوکتور جئری

خوش گؤردوک " آرازییه" گؤزل دیر... اماکن اداره سی نین قولاغینا قورقوشوم قاباقکی پوست لارینیزین بیر نئچه شئعیری گئرچکدن کئفلندیریجی ایدی..

آنام

[گل]سلاملار حورمتلي متحير قارداش هر زامان هر ئير ده کي وارسيز الله سيزه يارديمجي اولسون سوز گوزل وماراخلدي

الف.كاف

سلام گرامي! ممنونم از محبت سرشارتون، اميدوارم كه زندگي‌تون همواره لبريز شيريني، و تلخ‌كامي‌ها ازتون دور باشه... چوخ ممنون سوزون لطفوزدن. [لبخند][گل]

Ayatay

محشریدی...تشکورلر[لبخند]

داش بولاق

قارشینیزدا دیز چوکوب الینیزی اپورم ... چوخ حیس یارادان بیر شعر اوخودوم

سولان

سالاملار حرمتلی قلمداشیم طبعیز قاینار اولسون یاشاسان

SULTANPUR

SAYIN MÜTƏHƏYYİR CƏNABLARI İLKŞAĞ BUNDAN Kİ MƏNİM SİTƏMİ BƏYƏNİB BAŞ ÇƏKMİSİZ MİNƏTDARLIQIMI BİLDİRİRƏM BURDA YERİ VAR SİZİN Ə AP ARIN DUYĞUZA GÖRƏ TƏBRİK DİYƏM VƏ ARTIRAM Kİ PƏRVİN XANIM-ŞƏHRYAR VƏ BU MƏKTƏBİN ÖNÜNDƏ GEDƏN MOLLA MƏHƏMƏD FUZULİ NİN BU ŞAĞDA ƏDƏBİYATLARINI LAP YAXCİ AUYDURUSUZ BU SİZİN RUHUZUN GENİŞLIĞINDAN HİKAYƏT EDİR YOLUZ AÇIQ OLSUN HÖRMƏTLƏ SULTANPUR