مجنون چول هانی؟

نه قدر سیزلاسا قوی سیزلاسین عشق

یاراماز هر گله نی داغلاسین عشق!

لئیلی زولفونده کی مجنون چول هانی؟

سود ا مه رتک نییه هئی آغلاسین عشق

قاچاغان اوودو نفسده ن سالاجاق

گونو گونده ن یئری وار چاغلاسین عشق

بیر دنیز دیر نه ائنی وار نه بو یو ...!

دیلی یوخدورهامینی یاغلاسین عشق

یاغلی دیل بیر هفته ده سویون چکه ر

یاغا دوشمز کابابی بوغلاسین عشق

شوخلوغو یوخدو بیریینن آییق اول...!

چیخارار جیز قالاغین دیغلاسین عشق

دیغلاماز عاشیق اولان عشقی تانی

اولار آخ!؟ اودقاپسین باغلاسین عشق

یوخ جانیم! تکجه یانان چیخیب ساحا

یوخساماندیر قوزو تک قیغلاسین عشق

دوزومو اولمایانا سیریق چکه ر!

کیمه وای ـ وایلیدی بئل باغلاسین عشق

قورتولان گون! نازیم عشقه گلمه ییب

گوجووار بیر گئجه ده زوغلاسین عشق

اوددوشه ن گول زه میده ن تیکان ده رر

آری سانجان اوره ییی زیغلاسین عشق

زیغلا ماز موفته سینه اوز ـ گوزونو

متحیر الینی داغلاسین عشق!

/ 14 نظر / 15 بازدید
نمایش نظرات قبلی
یئنی اولدوز

سلام. چوخ گوزل و دیرلی دیر. اوجامان مضمونلارینیز دا وار. منه ده باش وورون. یاشیاسیز[گل]

سحرجمشیدی

سالاملار وسایغیلار چوخ گوزه ل ودویغولو شئعیر اوخودوم سیزه جان ساغلیغی آرزی ائدیرم چوخ ساغ اولون یاشایین[گل]

حسین واحدی

سلام عزیز اوستاد چوخ گؤزل و دویغولو بیر شعر[گل]

مسعود اسلامي

سلام حورمتلي متحيير جنابلاري طنز اورتوكلو غزلينيزي اوخوياراق قافييه لرين نه قدر گوجلو، دولغون اولدوقلاريني دويا بيلديم عشقه عشق اولسون قارداش!

قیزیل گول

سلام لار شعرلرینیزدن دویغولانیب فایدلار آپاردیم اللرینیزه ساغلیق لار[گل] اجازه نیزی له سیزی باغلانتی لاریما آرتمالییام ساغ قالیب ساغ یاشایین

لیلی کحالی

قاچاغان اوودو نفسده ن سالاجاق گونو گونده ن یئری وار چاغلاسین عشق اللرینیزه ساغلیق دویغولو شعرینیز اوچون[گل]

حاج مسعود

سلام استادبیرگوزل شعریلن تانیش اولدوم: (نه قدرسیزلا سا قوی سیزلاسین عشق)........متحیر اوزو اوز قلبینه غم باغلاسین عشق سونویوخ آغلاماغین عشق اودونا نه قدرآغلی ییر قوی آغلاسین عشق سیزی لینک ائیله میشم پیوندیزده یوخام(حاج مسعود)

حميدانباز

سلام لار آداش اولارسا بيزيم گلجك گوجلوشاعيريميز بالاجا آيدينه ده باش وورون واوز فيكريلرينيزي منه چاتديرين لطفا سيزه اوغورلار[گل][گل][گل]