وئر مه رم بیرجه توکون یاد بویونا

وئرمه رم بیـــرجه توکـون یاد بویونا

آنا دویغــــومدا گـور آنلاقدی واریم

قوجامان تبریـــزی ائللــــر تانیــری...

ته پرمه سویله بو توپــراقدی واریم

منی قورخـــوتما یالاندان قوچــاغام

یایی قیشلاق،قیشی یاییلاقدی واریم

قاراقیش تر-تله سیک گلسه ده بیل

دون آغاجلاردا دوش ایرماقدی واریم

شاختانی کیشته لریک تویوق کیمی

گویه رن آرزیــــــدا یاپــــراقدی واریم

کوموره باش ایمه ریک ایستی نه دیر؟!

بیر ایچیم اودداکی قورساقدی واریم

یولا گلمــــز بو دوزومسوزلویـــوم آخ...

اوزگه قانماز نه سه بارماقدی واریم!

آلنیمی دئشدی بو حسرتلی یاشام

هر نه یه م من ائله یانماقدی واریم

باشینی توولامـا چیلپا قلیغیـــــما...!

اهـــــر آدلی واری دیرناقـــدی واریم

هریسه دوشسه یولون دردینی دئی

ورزقــان بویدا سو، توختاقدی واریم

قوروماز گوز یاشیمیز اورمـــویا تای...

آراز حاققی اودو قاینــــاقدی واریـم

متحیــر قولا یوخســـول دئمــه دای

خالقیمین دردینی یایماقدی واریم...

 

/ 2 نظر / 17 بازدید
ندا صمدی

سلاملار و سایغیلار یازدیغینیز شعر دویغو و قائده باخیمیندان چوخ گوزل آنجاق معنا و مفهوم باخیمیندان چوخ آجی. آرزو ائله ییرم داها دونیانین هئچ یانیندا بئله ایتیفاقلار دوشمه یه کی بئله شعرلر یارانا. اللرینیزه و دوشونجه لرینیزه ساغلیق[گل]

زندگی

سلام لار... چه غم انگیزه...[ناراحت]