او کی وار یاتدیم

توفیق حضورون منه بیر پایدی بهشت دن

یورغون بالانا دوغروسو بیر چایدی بهشت دن

آللاه نه گوزل! تحویل آلیب اولدوزون آیلار

ظلمت گئجه لر ده یولوما آیدی بهشت دن

اللر ائله بیل یوندو ایرینمیشدی باشیمدا

پامبیق بیله ییندن دئمه نای نایدی بهشت دن

ازدیردیلر هئی من ده ازیلدیم بو تو یومدا

زیتون ایله رمان بیزه تای تایدی بهشت دن

یارب نه قدر شوکر ائله سم من یئری واردیر

دوستلار دوزولوب دووره مه گل- هایدی بهشت دن

 یکشنبه گونونده بو مسیحا قوجاغیندا

یاتدیم او کی وار سوزلری لایلایدی  بهشت دن

قیرخ ایلدی گونش دن دئیه رک دونموشام آنجاق

دونیا بوزابوز دور، قیشیمیز یایدی بهشت دن

تبریز توخوشوندان سئچیلیر سالدیغی ایلمک

آللاه بیه نن فرشی ده بیر لایدی بهشت دن

یئردن دئمه رم عرشی خداوندیدی قلبیم

گویلرده گزرکن بو قورولتایدی بهشت دن

گل توبه قیلاق !رحمان الیله بیه بیزده

دوشدوک یولا چوللرده کی چوخ سایدی بهشت دن

مولا بویوران باغلاری گزدیم دونن آخشام

اولدوم یئنه یارب بو نه بای بایدی بهشت دن

باخسان گور ه سن شهریاریمدان متحیّر

نیک اندیشی میز دیر منه خوش پایدی بهشت دن

/ 4 نظر / 16 بازدید
رویای راستین

***آيا مي دانيد چگونه دعاها مستجاب مي شوند؟؟؟؟؟*** خداوند زنده مي‌فرمايد: «بخوانيد مرا تا پاسختان دهم»..... http://www.ostad-iliya.org/Articles/2334 http://royayerastiin.blog.com

سناتور

دوغدان کی قشنگیدی[گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل]

سناتور

قارداش باغیشلاهاااااااااااااااااااا ایستریدیم بولیومکی هانچی شهر ده یاشیاسان؟