دویماییب اوزگه جانین دووار یانی

نیسگیلین ائکیز دوغوب تورک ائلیمیز

چوخورون گورمه دی ته پرم چالاسی

خالقیمین دردی چاپیلماز بوز اولوب

سونمه یه ن کوزدو بو ته پرم یاراسی

نه گونوز وار منه دوستلار نه گئجه!

هویوخوب اینیمه ته پرم قاراسی...

سوده گلمیر گومانیم قایماق هانی؟

زیلله نیب دیر چوله ته پرم کالاسی

یاشاییشدان یارییان کیم لر اولوب؟

بیلمیرم سویله دی ته پرم باراسی

یالانین تئـــــز چیخارارلار باراسین...

کوره سیز اوددو بوته پرم ماشاسی

دویماییب اوزگه جانین دووار یانی!

اوزوموندن دئیه ته پرم قوراسی...

آرزیلار بویدا اوچوب دام-داشیمیز

به ره وئرمز بیزه ته پرم نوواسی

بیزی گول یوخلاماییب گول یوز ایله

یئری وار پاس پاسا ته پرم مالا سی

ایش گوره نلر هامیسی سوز بزه ییر

دمیر اوزدور نییه ته پرم قالاسی؟!

متحیــــــر نه دئسه اینانمــــــارام...

گوزونــن دیر بیــــزه ته پرم یاراسی

 

/ 14 نظر / 19 بازدید
نمایش نظرات قبلی
آیدین باخیش

سلام و سایقیلار سایین متحیر جنابلاری گلیشینیزدن مینتدارام ساغ اولون دپرملی شعرینیزی اوخویوب کدرلندیم باشداکی او عکیز داهادا آرتیق اوریی یاندیریر/ تانری اوزو خالقیمیزا یاردیم ائتسین سویوغون بویله باشلاماسیندان..../ اوغورلار خالقینا یاشایان شاعیر.

منصور زینال زاده(وفا)

سلام وسایقیلار متحییر جنابلاری نیسگیلین ائکیز دوغوب تورک ائلیمیز چوخورون گورمه دی ته پرم چالاسی شعریزی اوخودوقجان اوره کلریمیز کدرله نیر اللریریزه ساغلیق انا یوردومون باشی ساغ اولسون[گل]

anidelilik :: talvasali

نیسگیلین ائکیز دوغوب تورک ائلیمیز بوراسی چوخ گوزلیدی ..... ساغول

آزرائللی

سایغي‌لار- سالام‌لار[گل][گل][گل][گل][گل][گل][گل] تورک دونياسينا باش‌ساغليغي ................ اللرينيزه ساغليق- يولونوز آچيق اولسون

قوجا

سالاملار عموووووووو. یاغیر باشیمیز اوسته بوتون درد قیریخلاری. یئتر بو آغریلار.

سحرجمشیدی

سالاملار وسایغیلار یاشا اوستاد یاشا شاعیر چوخ ده یرلی ... یاشامالیسیز[گل]

نبضگیر

یاشاسین عزیز متحیر . [گل][گل][گل][گل][گل][گل][گل][گل][گل][گل][گل][گل][گل][گل]

س.رضی

سلاملار، سایقیلار ده‌یرلی قلمداش اوره یینیزه، قلمینیزه ساغلیق...یاشایین و یارادین... اسنلیکلر دیله‌رم!

لیلی کحالی

سلاملار اللرینیزه ساغلیق گؤزل و دویغولو شعیرینیز اوچون[گل]